POMPEJI seu POMPEJUM Sallustio

POMPEJI, seu POMPEJUM Sallustio

Senecae, l. 6. Natur. Quaest. c. 1. ac Tacito, l. 15. Annal. c. 22. colonia et oppid. Campaniae in ora apud Sarnum fluv. Stabias urbem et Vesuvium montem, ubi nunc Castel a mare di Stabia, teste Collenutiô, a Neappoli 18. mill. pass. Salernum versus, ab Hercule conditum, cum boves Geryonis abduceret, teste Solinô, c. 8. Baudrando, hodie Torre del Anuntiata: in ora Sinus Neapolitani ad ostia Sarni fluv. Dicitur et Pompeianum: 10. mill. pass. a confinio Princip. citeriore, Lucae tamen Holstenio Pompeii fuêre, ubi nunc maxima visuntur rudera, locô, qui Civita vulgo, ubi Ambrosius Nolanus Stabias fuisse credidit. Hinc Pompeianus, Stat. Sylv. l. 1. Carm. 2. v. 265.

Nec Pompeiani placeant magis otia Sarni.